സുധന്‍ യാത്രയായി .ചികിത്സാ സഹായം ആവശ്യമില്ലാത്ത ലോകത്തേക്ക്

തച്ചനാട്ടുകര :സുധന്‍ യാത്രയായി .ചികിത്സാ സഹായം ആവശ്യമില്ലാത്ത ലോകത്തേക്ക് .രണ്ടു  കിഡ്നികളും തകരാറിലായി പെരിന്തല്‍മണ്ണ സ്വകാര്യ  ആശുപത്രിയിലെ ചികിത്സയിലായിരുന്നു ഇദ്ദേഹം.ഇരു കിഡ്നികളും മാറ്റിവെക്കാന്‍ ഡോക്ടര്‍മാര്‍ നിര്‍ദേശിച്ചിരുന്നു.എന്നാല്‍ ഭാര്യയും മൂന്ന് കുഞ്ഞുങ്ങളും അടങ്ങുന്ന സുധന്‍ എന്ന സുധാകരന്റെ കുടുംബം കിഡ്നി മാറ്റിവെക്കാന്‍ ആവശ്യമായ തുക കണ്ടെത്താനാവാതെ വിഷമിക്കുന്ന വാര്‍ത്ത ഈ ബ്ലോഗും.മാധ്യമം ,മനോരമ പത്രങ്ങളും റിപ്പോര്‍ട്ട് ചെയ്തിരുന്നു. സുധനെ സഹായിക്കുന്നതിനായി പ്രൊഫ എം മുഹമ്മദലി ചെയര്‍മാനും,കെ ടി ജലീല്മാസ്റെര്‍ കണ്‍വീനറും ,രഘുനാഥ് ട്രഷററും ആയി കമ്മറ്റി രൂപീകരിച്ചു പ്രവര്‍ത്തനം നടത്തി വരികയായിരുന്നു.ഇന്ന് 22.12.12 ആശുപത്രിയില്‍ ഡയാലിസിസ് ചെയ്യുന്നതിനായി പോയതായിരുന്നു.തുടര്‍ന്ന് സുധന്‍ മരണത്തിനു കീഴടങ്ങി.ഈ ബ്ലോഗിലെ വാര്‍ത്ത ശ്രദ്ധയില്‍ പെട്ടതിനെ തുടര്‍ന്ന് ജിദ്ദയില്‍ ഉള്ള നാട്ടുകല്‍ സ്വദേശിയായ ഒരു സുഹൃത്ത് 5000 രൂപ എന്റെ പേരില്‍ അയച്ചിട്ടുണ്ടെന്ന് അറിയിച്ചിരുന്നു.അത് കയ്യില്‍ കിട്ടിയ ഉടന്‍ ആ കുടുംബത്തിനോ കമ്മറ്റി ക്കോ കൈമാറുമെന്ന് അറിയിക്കുന്നു.സഹായിച്ചവര്‍ക്കു നന്ദി .ഇനി നമുക്ക് ചെയ്യാന്‍ കഴിയുന്നത്‌ രക്ഷിതാവ് നഷ്ടപ്പെട്ട ആ കുടുംബത്തെ സഹായിക്കുക എന്നതാണ് .സ്വന്തം വീടില്ലാത്ത സുധന്‍റെ കുടുംബത്തിനു വീടുവെക്കാന്‍ ആവട്ടെ ഇനിയുള്ള സഹായം.അതിനുള്ള പ്രവര്‍ത്തനവുമായി ചികിത്സക്ക് രൂപീകരിച്ച കമ്മറ്റി മുന്നോട്ടു വരുമെന്ന് നമുക്ക് പ്രത്യാശിക്കാം .നാട്ടുകാര്‍ക്ക് സഹായിക്കണമെങ്കില്‍ ആയുസ്സ് കൂടി വേണമല്ലോ .....ഈ സൈറ്റും ,നല്ലവരായ നാട്ടുകാരും അനുശോചനം അറിയിക്കുന്നു.
                                                                                                                                         
                                                                                                                                           ഷാജഹാന്‍ നാട്ടുകല്‍
                                                                                                                                          9946731814